இரகசியமற்ற, பாதுகாப்பற்ற, பொறுப்பற்ற
ஓர் சமூகம் வளர்ந்துகொண்டேயுள்ளது
============================
நான் பயணிக்கும் எதிர் திசைகளில்தான்
பேரூந்துகள் எப்போதும் வரிசையாய்
புகைவண்டிபோல் பயணித்து
வெருப்பேற்றுவார்கள்
நீண்ட காத்திருப்புக்கு பின்
ஓர் தொடர்பேரூந்து இரு நடத்துனரை
கொண்டது நிக்கிறவன் மேல
ஏத்துர மாதிரியே வந்து நின்றது
பின் நடுத்துனரிடம் பயணசீட்டு வாங்கி
அமர இடம் தேடி
ஓட்டுனருக்கு எதிரில் ஒற்றை
இருக்கையில் அமர்ந்தேன்.
இவ்வளவு பெரிய தொடர்பேரூந்தை
ஆட்டோ ஓட்டுவதுபோல்
ஓட்டுவதால் திரும்பி ஓட்டுனரைப்பார்த்தேன்
எனக்கு அதிர்ச்சியும் ஆச்சிரியமும்
ஒரு பள்ளிமாணவனைப்போன்ற தோற்றம்
சிறியதேகம் எங்கே இடித்துவிடுவாரோ என
ஓட்டுனருக்கு பதில் இல்லாத பிரேக்கை
மிதித்து மிதித்து எனக்கு கால்வலித்தது
நடத்துனரை விசாரித்தேன்
நீங்கவேற இந்த வண்டிய எடுக்கிறவர்
இன்று டெப்போவில இவங்கிட்ட
இந்த வண்டிய கொடுத்துட்டாங்க
எப்ப எது நடக்குமோன்னு பயத்திலதான்
நானும் இருக்கேன்
அரசு ஓட்டுனர்கள் பெரும்பாளும்
கிளட்சை மிதித்து கியரை போடுவதில்லை
அது என்னவோ இவரிடம் அடி வாங்க
தலைகாட்டுவதுபோல் கியரின்
தலையை தட்டி தட்டியே கியரை போடுவர்
இந்த இளையவருக்கும் அதையே
சொல்லிக்கொடுத்திருக்கிறார்கள்
பொதுச்சொத்துக்களை கையாள்வதிலும்
பொது இடங்களில் நடந்துகொள்வதிலும்
நாம் இன்னும் கீழ் நிலையில்தான் உள்ளோம்.
பின்சீட்டில் இருவர் ஆளுங்கட்சியை
வருத்தெடுத்துக்கொண்டிருந்தனர்
பெரியாரின் பெயர் சொல்லி வளர்ந்தவர்கள்
தேர்தல் பிரச்சாரத்தை மாவட்டம்தோறும்
கோயிலிலிருந்தே தொடங்கியதாய் குறைபட்டார்கள்
அந்த கட்சிக்கு மட்டுமல்ல எல்லா அமைப்பு
மற்றும் நிர்வாகத்திலும் தொடங்கிய தலைவர்க்குபின்
தலைமையேற்பவரைப்பொருத்தே
தொண்டர்களின் செயல்பாடுகளும் அமையும்
அந்த இருவரும் உரக்கப்பேசுகிறார்கள்
அடுத்தவனைப்பற்றிய அக்கரையில்லை
எல்லோரது வீட்டு இரகசியங்களும்
உரக்கப்பரிமாரப்படுகிறது.
ஓர் ஆய்வு சொல்கிறது
இப்போது மனச்சிதைவு நோய் குறைந்துள்ளதாய்
தன் மனக்குப்பைகளை யாரிடமாவது
கொட்டிவிட கைப்பேசிகள் பயன்படுகிறது
வீட்டுக்குப்பைகளை தெருவில் கொட்டுவதுபோல்
மனக்குப்பைகளையும் பொதுவில் கொட்டுகிறார்கள்
நாம் தான் சகிப்புத்தன்மையை வளர்த்துக்கொள்ளவேண்டும்
இரகசியமற்ற, பாதுகாப்பற்ற, பொறுப்பற்ற
ஓர் சமூகம் வளர்ந்துகொண்டேயுள்ளது
